Децата од Охридскиот конзулски округ зедоа учество на Меѓународниот литературен конкурс „Глаголица“ чиешто финале оваа година се одржа во Казањ од 16 до 19 ноември. Учесниците од Конзулскиот округ не стигнаа до финалето, но нивните работи беа публикувани на сајтот „Глаголица“.

На 10 јуни во Охрид се одржа работилница на отворено за деца посветена на Меѓународниот ден на планетата Земја. Детските дела беа изработени од материјали што може да се рециклираат: картон, картонски табли за јајца и пластични капачиња. Целта беше кај децата да се всади свесен и внимателен однос кон околината, како и да се создаде навика за предавање на суровините за преработка. Како резултат на тоа, собраните капачиња беа однесени на посебно место за нивно собирање, организирано на плоштадот во центарот на Охрид.

Во Охрид се одржа работилница за изработка на кукло со децата од Охридскиот конзулски округ. Децата дознаа за специфичностите на изработка на руската народна кукла, за нејзините видови и значење, а исто така и за специфичностите на изработка на современите кукли, и изработија кукли за подарок за своите блиски. 

Во предвечерието на 78 годишнината од Победата во Големата Татковинска војна, на децата на војната кои што живеат во консулскиот округ, им беше врачено цвеќе и мали подароци. Жителите на конзулскиот округ ја споделија историјата на своето воено детство. Од страна на соработникот на Почесниот конзулат беа направени и видеозаписи од сеќавањата.

Во Русија се одржа традиционалниот Меѓународен конкурс за цртеж, организиран од компанијата произведувач на бои „Невскаја палитра“ (Невска палета), посветен на 350 годишнината од раѓањето на Петар Први. На конкурсот беа испратени повеќе од 1500 изработки, изработени во различни техники: акварел, батик, акрилно сликање на текстил. Победниците ќе добијат патување во Санкт Петербург. На конкурсот зедоа учество и жители од Охридскиот конзулски огруг.

На 12 април 2023 год. беа објавени резултатите од конкурсот за цртеж кој секоја година го организира школата „Озарение“. Децата од Охридскиот конзулски округ за натпреварот ги подготви соработникот во Почесниот конзулат на Руската Федерација во Охрид, д-р Елена Обухова. Учесниците од конзулскиот округ добија награди.

На 25 март 2023 год. се одржа работилница за децата со посебни потреби, посветена на Меѓународниот ден на луѓето со Даунов синдром. Децата изработија повеќебојни чорапи, кои што се симбол на таа состојба. Работилницата на одржа соработникот на Почесниот конзулат на РФ во Охрид, д-р Елена Обухова.

На 6 март 2023 год., во основното училиште „Св. Климент Охридски“ се одржа работилница за изработка на честитки за 8 март. Материјалите за изработка ги подготви Почесниот конзулат на Руската Федерација во Охрид.

Почесниот конзулат на Руската Федерација во Охрид организираше средба посветена на празнувањето на Масленица во Русија. Гостите учествуваа во квизот посветен на тоа како се слави овој празник во Русија, ги научија имињата на деновите и постапките во секој од нив за време на неделата на Масленица и проследија краток филм за забавата на Масленица. Гостите дегустираа палачинки и учествуваа на работилница за правење традиционалната народна кукла од конци.

Денес во Охрид беше организирана летна работилница за деца од 2 до 5 одделение, посветена на летниот распуст и летните желби. Децата заедно направија голема слика користејќи различни техники: лепак од пластелин и колаж техника. По завршувањето на работилницата на децата учесници на меѓународниот конкурс „Многу букви“ им беа врачени сертификати за учество.

На 8 јуни во Скопје, Амбасадата на Руската Федерација организираше свечен прием по повод националниот празник - Денот на Русија. Меѓу многубројните гости беа Почесниот конзул на Русија во Охрид, Велимир Стојковски, пратеникот Иван Стоиљковиќ, претставници на политичките партии, раководители на дипломатски мисии и меѓународни организации, политички и општествени работници, претставници на црквата, бизнисмени, руски сонародници, а исто така и активисти на македонско-руските друштва за соработка и пријателство.

На 14 мај 2023 год. се одржа работилница за изработка на сувенири од глина, со децата со посебни потреби од организацијата „Тајните на моето срце“. Децата ја научија техниката на печатење на глина, начините на нејзиното боење, а исто така дознаа и за работата на современите уметници - керамичари од Русија. Работилницата ја одржа соработникот во Почесниот конзулат, д-р Обухова Елена.

Во рамките на Меѓународниот фестивал „Многу букви“ кој се одржа во градот Орел, а националниот дел во Република С. Македонија го ораганизираше Почесниот конзулат на Руската Федерација во Охрид, децата - жители на конзулскиот округ изработија букви од пластелин и учествуваа на конкурсот. Исто така од конзулскиот округ беа испратени и предмети изработени од децата од различни училишта. На конкурсот беа претставени цртежи, компјутерска графика. Учесниците од Скопје и другите градови се претставија со графити, книжна графика и мозаик од камчиња.

На 13 април 2023 год., денот кој што во Русија се нарекува „Чист четврток“, во Охрид се одржа добротворен базар. Подготовката за базарот и работилницата за изработка на играчки за членовите на организацијата „Тајните на моето срце“ ги реализираше соработникот на Почесниот конзулат на РФ во Охрид, д-р Елена Обухова.

На 8 април 2023 год. се одржа велигденска работилница во организација на организацијата „Тајните на моето срце“. Децата изработија велигденски кошнички, а исто така дознаа за традициите за празнувањето на Велигден во Русија. 

На 8 март 2023 год, Почесниот конзулат на РФ во Охрид им врачи подароци на жените - деца на војната од Консулскиот округ.

Во библиотеката „Григор Прличев“ соработникот на Почесниот конзулат на Руската Федерација во Охрид одржа работилница за изработка на подароци за 8 март за мајките, бабите и учителките. Во работилницата зедоа учество учениците од 3 одделение од училиштето „Григор Прличев“. Децата изработија плетени кошнички . Цел на настанот беше да се запознаат децата со традиционалните народни занаети. Во рамките на настанот децата читаа стихови, а исто така настапи и охридскиот ансамбл „Бисери“. Подароците им беа врачени на жените волонтери од Црвениот крст.

На 11 февруари 2023 год. во Почесниот конзулат на РФ се одржа средба на раководителот на конзулскиот оддел во Амбасадата на РФ во РСМ, Чеботарев Константин Иванович со граѓаните од Охридскиот конзулски округ, кои што примаат пензија од Руската Федерација. Во рамките на средбата, пензионерите ги изложија проблемите, тешкотиите и прашањата за понатамошна соработка и начините на нивното решавање.

Денес на улицата 9 мај пред спомен-плочата на војниците од Антихитлеровата коалиција се одржа свечена церемонија по повод Денот на сеќавањето и жалоста - 82 годишнина од почетокот на Големата Татковинска војна 1941 - 1945 год. Во настанот учествуваа делегација на Амбасадата предводена од Амбасадорот. С.А. Баздникин, почесниот конзул на Русија во Охрид, В. Стојковски, претставници на акредитираните дипломатски мисии во Скопје, бизнисмени, наши сонародници и македонски пријатели.

По положувањето на цвеќето сите присутни со минута молчење им оддадоа почит и сеќавање на погинатите во војната.

На 6 јуни, на денот на рускиот јазик, во Охридскиот конзулски округ беа доделени сертификати на учесниците на Вториот меѓународен фестивал „Многу букви“, на учениците од основното училиште „Св. Климент Охридски“, како и благодарност за раководителот Валентина Кузманоска. Македонското учество го организираше Почесниот конзулат на Руската Федерација во Охрид.

Денес на улицата 9 мај пред спомен-плочата, посветена на 75 годишнината од Големата Победа, се одржа свечена церемонија по повод 78 годишнината од Победата во Големата Татковинска војна. Во настанот зедоа учество делегацијата на Амбасадата предводена од Амбасадорот С.А. Баздникин, Амбасадорите на Народна Република Кина, Босна и Херцеговина и Србија, воените аташеа на Амбасадите на Кина и Србија, Почесниот конзул на Русија во Охрид, делегација на компаниите „ЛУКОИЛ Македонија“, „Гаспром експорт“, „ТЕ-ТО“, претставници на Рускиот центар, општествено-политичките кругови, наши сонародници и др.

На 16 април 2023 год. во организација на Почесниот конзулат на Руската Федерација во Охрид, на жителите на конзулскиот округ - деца на војната, им беа врачени руски традиционални Велигденски колачи (куличи) и вапцани јајца.

Денес по повод Меѓународниот ден на космонаутика, Амбасадата на Руската Федерација организираше свечена церемонија на положување цвеќе пред споменикот на Ј.А. Гагарин во Скопје. Амбасадата на Русија беше претставена со делегација предводена од Амбасадорот С.А. Баздникин. Во настанот зедоа учество и раководствата на странски дипломатски мисии, како Амбасадорот на Босна и Херцеговина, Д. Јаќимовиќ, Почесниот конзул на Русија во Охрид, В. Стојковски, пратеникот и лидер на Демократската партија на србите во Македонија, И. Стоиљковиќ, делегација на компанијата „Лукоил“ предводена од регионалниот управител А.М. Куку, претставници на Рускиот центар при УКИМ, МПЦ-ОА, како и општествено-политички организации и наши сонародници.

На 7 април 2023 год. се одржа работилница во училиштето „Св. Климент Охридски“ за учениците од четвртите одделенија, посветена на Велигден. Децата дознаа за велигденските традиции во Русија, ги споредија со традициите во Македонија, а исто така изработија по една велигденска корпичка за своите блиски.

На 7 март 2023 год. во библиотеката „Григор Прличев“ во Охрид, се одржа финалето од првиот конкурс за стихови, посветени на сеќавањето на детскиот поет и писател Тоде Илиевски. На настанот, покреј стихови од наградените, се читаа и стихови од авторот Тоде Илиевски во исполнување на учениците од училиштето „Св. Климент Охридски“. На настанот присуствуваше соработникот на Почесниот конзулат.

На 2 март 2023 год. Почесниот конзулат на РФ во Охрид и организацијата „Тајните на моето срце“ реализираа заедничка работилница, при што се занимаваа со сликање на камен, редење монистра, пеење песни и играње.

На 10 февруари 2023 год. по повод Денот на руската дипломатија, беше одржана традиционалната церемонија на положување на цвеќе пред споменикот „Руски крст“ во Битола. Во церемонијата зедоа учество и Почесниот конзул на Руската Федерација во Охрид, проф. д-р Велимир Стојковски и соработникот во Почесниот конзулат, д-р Елена Обухова.