Во Почесниот конзулат на РФ во Охрид пристигнаа нови списанија меѓу кои „Мурзилка“, „Весели лекции“, „Наука и живот“, „Караван на историјата“ и други. Жителите на Охрид можат да ги земат во библиотеката на Конзулатот во работното време.

Во пресрет на претстојните новогодишни и Божиќни празници во НУ Библиотека „Григор Прличев“ во Охрид во соработка со Почесниот конзулат на Руската Федерација во Охрид се одржа работилница за изработка на новогодишни украси. На работилницата која ја водеше административнот соработник на Почениот конзулат на РФ во Охрид д-р Елена Обухова учествуваа ученици од трето одделение од ОУ „Христо Узунов“ од Охрид. Во пријатниот и креативен амбиент на библиотеката учениците изработија новогодишни украси со кои ќе можат да ги збогатат новогодишните елки  и да ги израдуваат нивните блиски.

Во НУ Центар за култура „Григор Прличев” во Охрид се одржа свечена академија посветена на патронот на градот — Св. Климент Охридски. Пред бројните гости се обрати градоналчалникот д-р Константин Георгиески. Во таа пригода беа доделени и три признанија. Највисокото општинско признание, наградата „Св. Климент Охридски — патрон на Охрид”, беше доделена постхумно на прерано починатиот градоначалник проф. д-р Јован Стојаноски, а во името на семејството признанието го прими неговата сопруга Надица Стојаноска. Повелбата „Св. Климент Охридски — патрон на Охрид” им беше доделена на Виолета Петкоска, професор по одделенска настава во ОУ „Кочо Рацин” и Планинарската спасувачка служба при Црвениот крст Охрид.
На настанот беше присутен почесниот кознзул на Руската Федерација во Охрид, проф. д-р Велимир Стојковски.

Во Скопје, во малата сала на Македонската филхармонија се одржа концерт на солистите на Санктпетербуршкиот Дом на музиката  “Амбасада на мајсторството”. Присутните ги поздрави амбасадорот на Русија, Н.Е. С.А. Баздникин, а настапија маестро на тромбонската група во оркестарот на Државната академска капела во Санкт Петербург, Дмитриј Крилов и студентите на Државниот конзерваториум во Санкт Петербург – пијанистот Владислав Фjoдоров и трубач Алексеј Иванов, кој веќе е член на оркестарот во театарот "Мариински". Присутните уживаа во прекрасните изведби на руските солисти.

Во рамките на чествувањата, беше положено свежо цвеќе пред спомен обележјата на борците ослободители во Спомен паркот на револуцијата, каде пред присутните со историски час за значењето на 7. Ноември се обрати претседателот на Општинската организација на Сoјузот на борци на Охрид и Дебрца Гоце Георгиевски. На настанот исто така присуствуваа и претставници на Амбасадата на Руската Федерација, Владимир Хрисанфов и Екатерина Акопјан, како и административниот соработник на Почесниот конзулат на Руската Федерација во Охрид и координатор на движењето „Волонтери на победата“ д-р Елена Обухова кои со полагање цвеќе им оддадоа почит на ослободителите на Охрид.
Свеченостите по повод празникот продолжија во просториите на основното музичко училиште „Методи Патче“ каде се одржа свечена академија на која пред присутните се обрати градоначалникот Костантин Георгиески и настапија градскиот хор од Охрид и ученици од музичкото училиште и од гимназијата „Св. Климент Охридски.... ►

По повод Денот на народното единство на Руската Федерација во Скопје се отвори документарната изложбата „100 раритети на руската државност“.
На свеченото отворање во присуство на Претседателот Стево Пендаровски, на поглаварите на верските заедници, дипломатскиот кор, како и на научната и пошироката јавност се обратија Директор на Музејот на македонската борба за самостојност, Даниела Николова, Рускиот амбасадор, Сергеј Баздникин, Министерот за култура, Хусни Исмаили и заменик раководителот на Федерална архивска агенција, Андреј Јурасов.
За поставката подготвен е уникатен двојазичен каталог, на руски и македонски јазик, со детален опис на сите изложени документи, кои се копија на оригиналните докумнети.

На Филолошкиот факултет „Блаже Конески“ при УКИМ, во организација на издавачката куќа „Антолог“ и Катедрата за руски јазик при Факултетот, се одржа средба со познатиот руски писател Евгениј Водолазкин на тема „Неколку размисли за современиот роман“. Воведна реч за Водолазкин, одржа проф. д-р Венко Андоновски.
Размислувањата на Е. Водолазкин, за многу прашања, како што е романот, времето, животот и историјата, изкажани со едноставен и ненаметлив стил, проткаен со спонатност и филозофија, побудија нескриен интерес кај присутните, кои го следеа настанот.
Меѓу присутните, во полната сала, беа и Амбасадорот на Руската Федерација во Република Северна Македонија, Н.Е. Сергеј Александрович Баздникин,... ►

Од 04 до 09 септември 2019 година во рамките на одбележувањето на Денот на Москва се одржа семинарот и свеченото доделување на наградите на победниците на 19-от Меѓународен Пушкински конкурс за есеј кој оваа година беше организиран на тема посветена на 220-годишнината од раѓањето на великанот и основоположникот на современиот руски јазик А.С. Пушкин под наслов: „220: Пушкин под напон. Споменик или блогер? Не ѝ пречат ли класиците на новата генерација да учи руски? “ Организатори на конкурсот се управата на град Мосва и „Росискаја газета“ со поддржка на „Россотрудничество“.

На конкурсот учествуваа професори по руски јазик од многу земји во светот меѓу кои Полска, Србија, Словачка, Франција, Бугарија, Казахстан и други. Оваа година за прв пат на конкурот учествуваше и претставник од Македонија – административниот соработник на Почесниот...►

Од 4 до 23 август во Конгресниот центар на Универзитетот „Св. Кирил и Методиј“ се одржува 42-от по ред традиционален Меѓународен семинар за македонски јазик, литература и култура, кој оваа година собра 75 учесници од разни земји, меѓу кои од Полска, Чешката Република, Русија, Србија, Хрватска и други. Оваа година Русија на семинарот ја претставуваат професори по македонски јазик, научни работници и студенти од четири високообразовни установи на државата: Московскиот државен универзитет, Санкт-Петербуршкиот државен универзитет, Пермскиот и Воронежскиот државен универзитет.
Во рамките на семинарот на 23 и 24 август ќе се одржи 46-та Меѓународна конференција, на која ќе бидат претставени истражувања од областа на македонистиката.

Во рамките на 59. издание на фестивалот „Охридско лето“ во црквата „Света Софија“ во Охрид се одржа концерт на државниот симфонискиот оркестар од Бријанск, Русија.
Државниот симфонискиот оркестар од Бријанск е основан во 2011 година од Едуард Амбарцумјан, заслужен уметник на Руската Федерација и уметнички директор и диригент на ансамблот. Оркестарот настапува не само во Русија, туку е познат на меѓународната сцена (Франција, Полска и тн.).
Вечерва, публиката во Охрид имаше исклучителна можност да ужива во нивната вуртуозна изведба.... ►

Амбасадата на Руската Федерација во Република Северна Македонија приреди прием по повод националниот празник – Денот на Русија. По интонирањето на химните на Руската Федерација и Република Северна Македонија, пред присутните се обрати амбасадорот на Руската Федерација Н.Е. Сергеј Александрович Баздникин.

На 24 мај во рамките на чествувањето на празникот посветен на Св. Кирил и Методиј, во Охрид во 19:00 ч. беше положено цвеќе на споменикот на Светите Кирил и Методиј, а во 19:30 ч.во црквата Св. Софија се одржа концерт на млади пијанисти, во организација на Андреја Митески, со поддшка на Дебарско-Кичевската епархија на Македонската Православна црква, фестивалот „Охридско лето“, Општина Охрид, фирмата „Медика“ и проф. д-р Ана Гацева. На настанот беше положено цвеќе од името на Амбасадата на Руската Федерација во Република Северна Македонија и Почесниот конзулат на Руската Федерација во Охрид. Пред присутните на концертот се обрати проф. д-р Красимира Илиевска, а на концертот настапија младите пијанисти Девид Малик, Николај Петкоски и Владимир Србиноски, од класата на проф. м-р Даниел Чурковски и Ана Гаштаровска, Викторија Митеска, Александар Ташев, Њомза Џафери, Анастасија Кочева и Фросина Трајковска од класата на проф. д-р Ана Гацева.... ►

Во организација на Амбасадата на Руската Федерација во Република Северна Македонија, одбележувајќи ја 74 годишнината од Победата над фашизмот, денес традиционално беше положено свежо цвеќе на меморијалниот споменик на „Матка”. Споменикот е подигнат во чест на храброста и пожртвуваноста на дванаестемина борци од 1-от Баталјон на 12-тата Скопска ударна бригада, меѓу кои беа еден русин и еден италијанец, кои на 12 и 13 ноември 1944 година храбро загинаа во одбрана на браната „Матка”. Тие ја одбранија „Матка”, а со тоа го одбранија и Скопје од катастрофалните последици кои можеше да ги има рушењето на оваа брана.
Пред присутните се обратија Амбасадорот на Руската Федерација во Република Северна Македонија, Н.Е. Сергеј Александрович Баздникин и претставници на Организацијата на борците од НОВ... ►

Во параклисот на црквата „Св. Георги Победоносец” во Скопје кој се наоѓа во склоп на црквата „Света Троица”, во организација на Амбасадата на Руската Федерација во Република Северна Македонија, се одржа молебен во спомен на загинатите руски војници во Втората светска војна. На молебенот присуствуваа амбасадорот на Руската Федерациjа во Република Северна Македониjа, Н.Е. Сергеj Александрович Баздникин, почесниот конзул на Руската Федерација во Охрид, проф. д-р Велимир Стојковски, претставници на Амбасадата, руски сонародници и граѓани.

По повод Меѓународниот ден на космонавтиката, пред споменикот на Јуриј Гагарин, кој се наоѓа на истоимената улица во Скопје, Амбасадата на Руската Федерација во Република Северна Македонија, ја организираше традиционалната церемонија на положување цвеќе. Пред многубројните гости на настанот, се обрати Амбасадорот, Н.Е. Сергеј Александрович Баздникин.
По церемонијата беа пуштени 58 балони со ликот на Јуриј Гагарин... ►

Денес во во Меморијалниот центар на холокаустот на Евреите од Македонија, во Скопје, беа отворени две фотодокументарни изложби - “Холокаусот: уништување, ослободување, спасување” и “Опсадата на Ленинград”. На присутните им се обратија Амбасадорот на Руската Федерација во Република Северна Македонија Н.Е. Сергеј Александрович Баздникин и раководителот на Фондот на холокаустот на Евреите од Македонија Горан Садикаријо. Изложбата на уникатни документи и фотографии ќе биде отворена во наредните две недели. 

Во основното училиште "Димитар Миладинов" во Скопје се одржа националната етапа на меѓународниот конкурс "Жива класика", во организација на искусниот професор по руски јазик на школата "Озарение" Елена Демчиќ. На настанот присутствуваа аташето за култура Михаил Крапива, преведувачот и поет Олга Панкина. На конкурсот учествуваа ученици од 10 до 17 години од Скопје, Крива Паланка и Охрид. Учесниците од Охрид посетуваат курсеви по руски јазик организирани од Рускиот центар при Универзитетот „Св. Кирил и Методиј“ во Скопје. Конкурсот беше корисна и интересна етапа во изучувањето на рускиот јазик за сите учесници.

Амбасадорот на Руската Федерација во Република Македонија, Н.Е. Сергеј Александрович Баздникин во придружба на аташето за култура, образование, наука и спорт при Амбасадата, Михаил Крапива и почесниот конзул на Руската Федерација во Охрид, проф. д-р Велимир Стојковски, денес оствари работна посета на Природно-математичкиот факултет и Факултетот за Ветеринарна медицина при Универзитетот „Св. Кирил и Методиј“ во Скопје... ►

Како солист на концертот на Македонската филхармонија насловен како „Пет става во дур”, настапи познатиот руски пијанист Андреј Гугнин. Под диригентската палка на познатиот руски диригент маестро Даниел Рајскин беа изведени дела на З. Кодај, Ф. Лист и П.И.Чајковски.
Андреј Гугнин е еден од најпознатите руски пијанисти од новата генерација музички уметници. Студиите ги завршил на Државниот конзерваториум во Москва, а продолжил на Интернационалната пијано академија на езерото Комо во Италија. Добитник е на повеќе меѓународни награди, како втората награда на Меѓународниот натпревар по пијано „Лудвиг ван Бетовен“ во Виена, Златниот медал и награда од публиката на Интернационалниот натпревар „Гина Бахуер“, првата награда на Меѓународниот натпревар во Сиднеј со повеќе признанија и тн.

По повод 25 годишнината од воспоставувањето на дипломатските односи меѓу Руската Федерација и Република Македонија, Амбасадата на Руската Федерација во соработка со Државниот архив на Република Македонија организираше изложба посветена на историјата на руско-македонските односи.

Пред присутните во се обрати Амбасадорот на Руската Федерација во Република Македонија, Н.Е. Сергеј Александрович Баздникин, а во името на министерот за надворешни работи на Република Македонија, г. Никола Димитров, се обрати г. Оливер Крлиу.
Во Малата сала на Македонската филхармонија пригодна програма изведоа Викторија Митеска (пијано), Квартет „Филхармонија”, Ана Кондратенко (виолина) и Галина Куценко (сопран), по што присутните имаа можност да ја разгледаат изложбата поставена во холот на Македонската филхармонија.
 

По повод 25 годишнината од воспоставувањето на дипломатски односи меѓу Република Македонија и Руската Федерација, во фоајето на Македонската опера и балет се одржа концерт на Руските романси на кој настапија учесниците на „Романсијада 2018” во Софија и Москва со изведби на дела од руски автори.
На концертот присуствуваа амбасадорот на Русија во Македонија, Н.Е. Сергеј Александрович Баздникин со сопругата, заменикот шеф на мисијата, Константин Берсенев, почесниот конзул на Русија во Охрид, проф. д-р Велимир Стојковски, претставикот на Россотрудничество, Артјом Румјанцев, министерот за надворешни работи на Република Македонија, Никола Димитров, претставници од Министерството и др.

Во ОУ „Христо Узунов“ вo Охрид се одржа новогодишна вечер за слушателите на курсевите на Рускиот центар при Универзитетот „Св. Кирил и Методиј“ во Скопје. Слушателите на курсевите во форма на игра стекнаа нови знаења за новогодишните празници и традиции во Русија од древни времиња до денес, исто така слушаа руски песни, а атмосферата беше збогатена и со традиционален руски чај и колачиња.

Во салата на Музејот на Македонската борба за државност и независност во Скопје, се одржа XIII Конференција на руските сограѓани во Република С. Македонија.
Конференцијата ја отвори амбасадорот на Руската Федерација во Република С. Македонија Н.Е. С.А. Баздникин. Пред присутните се обратија претставниците на здруженијата на сонародниците, кои се членови на Координативниот совет на руските сонародници во Македонија. Дејноста на движењето Волонтери на победата беше претставена ... ►

Во Општата болница во Охрид е отворен регионален центар за деца со аутизам. На отворањето присуствуваа Министерот за здравство Венко Филипче, Министерот за здравство на Република Бугарија Кирил Ананиев и сопругата на претседателот Елизабета Георгиевска Пендаровска. Центарот е наменет за истовремен престoj на 120 лица, во него има логопедски и дефектолошки кабинет, спортска сала, сензомоторна и мултисензорна соба. Ова е втор регионален центар во Охрид. Првиот беше отворен во Специјалната болница за ортопедија и трауматологија „Св.Еразмо“. Во името на Амбасадата на Руската Федерација и на Почесниот конзулат на Руската Федерација во Охрид на отворањето им пренесе честитки соработникот на Почесниот конзулат во Охрид.

Форумот беше во насока на продлабочување и интензивирање на соработката меѓу Македонија и Русија. На форумот учествува 24 компании од Руската Федерација. Пред присутните обратија претседателот на Владата на Република С. Македонија, З. Заев, заменик претседателот на Владата задолжен за економски прашања и за координација на економските ресори, д-р К. Анѓушев, заменик министерот за индустрија и трговија на Руската Федерација, А. Груздев, министерот за земјоделство, шумарство и водостопанство на Република С. Македонија, Т. Димковски и амбасадорот на Руската Федерација во Република С. Македонија, Н.Е. С.А. Баздникин. На настанот беа присутни и бројни македонски компании, петставници од Амбасадата, министерот за транспорт и врски, м-р Г. Сугарески, претседателот на Македонско-руската стопанска комора, Ѓ. Дика, извршниот директор на Комората, Д. Бешлиев, почеснот конзул на Руската Федерација во Охрид, проф. д-р В. Стојковски и др.

Русија денес го слави Денот на народното единство. Овој празник е во знак на сеќавање на настаните од 1612 година, кои станаа симбол за сплотување на народот пред тешкотиите и надворешните закани. Тогаш народните востаници предводени од Кузма Минин и Дмитриј Пожарски ја ослободија Москва од полските агресори.
По повод празникот, Претседателот на Руската Федерација Владимир Владимирович Путин организираше свечен прием во големиот дворец на Кремљ.
На приемот присуствуваше и почесниот конзул на Руската Федерација во Охрид, проф. д-р Велимир Стојковски.

Денес на Рускиот центар при Универзитетот „Св. Кирил и Методиј“ во Скопје, му беше предадена донација од 300 книги од областа на руската литература и учебници по руски јазик, од Домот на руското зарубежје „А.Солженицин” од Москва. По тој повод на настанот се обратија амбасадорот на Руската Федерација во Република С.Македонија, Н.Е. Сергеј Александрович Баздникин, претставникот на Домот на руското зарубежје, Татјана Јуревна Иринархова и директорот на Рускиот центар при УКИМ, проф. д-р Велимир Стојковски.
Во своето излагање, амбасадорот Баздникин, меѓу другото истакна: „Добро знаете дека во просториите на Рускиот центар можете бесплатно да го учите рускиот јазик, да читате руски книги, да гледате филмови, да присуствувате на предавања итн. Овде секој има можност подобро да се запознае со најбогатата литература и култура на Русија. Убеден сум дека ова книжевно богатство значително ќе помогне во работата на Рускиот центар“... ►

Во селото Црвена Вода, општина Дебрца беше одбележана 76-годишнината од издавањето на Манифестот на ГШ на НОВ и ПОМ, до македонскиот народ, ден кој се одбележува и како патронен празник на општина Дебрца.

На настанот кој беше организиран од мештаните од село Црвена Вода, општина Дебрца, Организацијата на Сојузот на борци и Организацијата на ветераните од одбраната и безбедноста за општините Охрид и Дебрца присуствуваа претседателот Стево Пендаровски, ... ►

На 18 август во спомен собата во село Годивје беше одбележана 76. годишнината од формирањето на првата регуларна воена единица во Македонија - баталјонот „Мирче Ацев”, формиран на 18 август 1943 година на Славеј Планина, настан кој се слави како како Ден на амијата. Организатор на настанот беше Општинската организација на Здружението на ветерани од одбраната и безбедноста за општините Охрид и Дебрца. Настанот го отвори и за формирањето и борбениот пат на Баталјонот, неговото подоцнежно окрупнување и за неговото влегување во составот на Првата Македонско-Косовска ударна бригада, за борбите и одбраната на ослободената територија Дебрца, говореше претседателот на организацијата, полковник Добре Велјаноски. На присутните им се обрати и градоначалникот на општина Дебрца Зоран Ногачески. На настанот присуствуваше и административниот соработник на Почесниот конзулат на Руската Федерација во Охрид и координатор на движењето „Волонтери на победата“ д-р Елена Обухова.

Од 15 до 30 јули на филолошкиот факултет на Воронежскиот државен универзитет се одржа „Летната школа по руски јазик и култура“, на која за прв пат учествуваа слушатели на курсевите по руски јазик при Рускиот центар при Универзитетот „Св. Кирил и Методиј“ од Скопје.
На Свеченото отворање на Летната школа присутвуваа деканот на филолошкиот факултет Олга Анатолјевна Бердникова, која им се обрати на слушателите на летната школа со поздравен говор, продеканот за меѓународна соработка Марјана Јаковлевна Розенфелд, доц. д-р Наталија Алексеевна Козељскаја и раководителот на катедрата за словенска филологија проф. д-р Генадиј Филипович Коваљов.
Предавањата за слушателите на летната школа ги одржуваа искусни и истакнати професори по лингвистички и литературни дисциплини од катедрите за општа теорија на јазикот и... ►

Вечерва, во Скопје, во организација на Амбасадата на Руската Федерација во Република Северна Македонија и агенцијата Россотрудничество, настапија лауреатите од Санктпетербуршкиот дом на музиката, Ана Грот (пијано), Алексеј Савиков (обоа) и Камил Мухаметдинов (виолончело). Пред присутните се обрати амбасадорот на Русија во Северна Македонија Н.Е. Сергеј Александрович Баздникин, по што публиката уживаше во виртуозната изведба на делата на Телеман, Шуман, Чајковски, Пуленк, Хачатурјан и Шостакович.
По концертот, присутните можеа да ја разгледаат изложбата „Русија - најубавата земја” на тема Дивата природа на Русија, подготвена од Руското географско друштво.

Во рамките на проектот „Волонтери на Победата“ со поддршка на Почесниот конзулат на Руската Федерација во Охрид, се одржа за прв пат пробна активна игра за ученици „1944. Деца на победата“, посветена на децата-херои кои се бореле рамо до рамо со возрасните. Во настанот учествуваа ученици од 8 одделение од ОУ „Христо Узунов“ под раководство на класниот раководител Горица Дуцкиновиќ. Организатори на настанот беа слушатели на курсевите по руски јазик во Охрид, кои ги организира Рускиот Центар при Универзитетот „Св. Кирил и Методиј“ во Скопје.
Децата стекнаа нови знаења за Големата татковинска војна, за децата – херои, покажаа остроумност, умеење за решавање на логички и креативни задачи. На настанот како организатор присуствуваше и професорот по руски јазик Боро Димоски, кој и самиот е дете на војната и кој од сопственото искуство знае колку може да биде страшна војната и дека ние треба со сите сили да го чуваме мирот.

Денес во Библиотеката „Григор Прличев“ во организација на Почесниот конзулат на Руската Федерација во Охрид, Ана Комарова, кандидат доктор на науки, одржа предавање за Свети Јован Шангајски и Сан Франциски (1896-1966), чудотворец и голем подвижник од XX век и за неговата врска со Македонија и македонскиот народ. Настанот го отвори Милчо Јованоски, соработник на библиотеката. На предавањето присутствуваше и аташето за култура од Амбасадата на Руската Федерација, Михаил Евгењевич Крапива.
Многубројните гости во библиотеката се запознаа со многу интересни факти за животот и чудата на Свети Јован Шангајски, за неговата шестгодишна работа во битолската богословија, а исто така и за неговата меѓународна дејност за спасување на своите парохјани и на сирачињата.

Амбасадата на Руската Федерација во Република Северна Македонија на платото пред Спортскиот центар „Јане Сандански“ во Скопје, организираше гала-концерт посветен на 9 Мај - Денот на победата над фашизмот.
Настанот го отвори и присутните ги поздрави Амбасадорот на Руската Федерација во Република Северна Македонија, Н.Е. Сергеј Александрович Баздникин.

Во хотелот Holiday Inn во Скопје, во организација на „Добредојде” - Macedonia Welcome Centre и Амбасадата на Руската Федерација во Република Северна Македонија, се одржа настан „Руско утринско кафе”. Пред присутните претставници на дипломатскиот кор, амбасасори, почесни конзули, претставници на Министерството за надворешни работи, бројни гости и присутни, се обрати Амбасадорот на Русија, Н.Е. Сергеј Александрович Баздникин, со осврт на традицијата на празнувањето на Велигден во Русија. По обраќањето присутните го проследија краткиот филм посветен на празнувањето на Православниот Велигден и имаа можност да го пробаат традиционалниот руски велигденски специјалитет - кулич, како и да добијат рачно украсено велигденско јајце подготвени од главниот готвач на рускиот амбасадор. Во склоп на настанот се одржа и изложба на руски ракотворби изработени од членовите на здружението „Артељ”.

Во Музејот на македонската борба беше промовирана книгата „Романови: Љубовта е посилна од смртта“. Отворена беше и фотодокуменарна изложба посветена на 100-годишнината од мачеништвото на рускиот цар Николај Втори и неговото семејство.
Пред присутните се обрати Амбасадорот на Руската Федерација во Република Северна Македонија Н.Е. Сергеј Александрович Баздникин, а книгата ја промовираше Неговото високопреосвештенство Митрополитот Повардарски г. Агатангел.
За историските факти, за убиството на рускиот цар Николај Втори, царицата Александра, нивните деца кнегињите Олга, Татјана, Марија и Анастасија и престолонаследникот Алексеј, присутните беа запознаени од излагањето на д-р Жила Ленина... ►

Денес во Скопје се одбележа 14-годишнината од основањето на Македонско-руската стопанска комора. Пред присутните се обратија претседателот на Комората Ѓорѓи Дика, Амбасадорот на Руската Федерација во Република Северна Македонија Н.Е. Сергеј Александрович Баздникин, министерот за земјоделство, шумарство и водостопанство во Владата на Република Северна Македонија Љупчо Николовски и извршниот директорот на Комората Дејан Бешлиев.
Заедничко беше задоволството од нагорната тенденција во трговската размена со Руската Федерација, зацртаните планови за нејзиното интензивирање, како и постигнатиот успех во реафирмирањето на работата на Меѓувладината комисија за трговско-економска и научно-техничка соработка чиј копретседател е министерот Љупчо Николовски.

Во Скопје на 9 март се празнуваше Масленица. Во празнувањето учествуваа руските сонародници, како и љубителите на руската култура. Меѓу присутните беа и амбасадорот на Русија во Македонија, Н.Е. Сергеј Александрович Баздникин со сопругата, заменикот шеф на мисијата, Константин Берсенев и почесниот конзул на Русија во Охрид, проф. д-р Велимир Стојковски.
Масленица е древен словенски празник со многубројни обичаи, кои што низ вековите се пренесувале до денес. Масленица се одбележува во седмицата пред Велигденскиот пост.
Масленица означува весело испраќање на зимата и радосно дочекување на пролетта. Најважни карактеристики на празникот се: страшилото Масленица, забави, прошетки, и се разбира палачинки – округли и румени, кои порано имале ритуално значење и го симболизирале сонцето.... ►

Во НУ „Библиотека Григор Прличев“ во Охрид во соработка со Почесниот конзулат на Руската Федерациjа се одржа креативна работилница за деца посветена на празникот 8 март. Гости на библиотеката беа учениците од 3 и 4 одделение од ОУ „Св. Наум Охридски“ од с. Пештани заедно со подрачните училишта. Децата за своите мајки, баби, учителки и други блиски направија честитки од хартија во боја. Во рамките на работилницата децата изработија и честитки со матрјошка и дознаа за историјатот на оваа кукла.
Историјатот на матрјошката своите почетоци ги има во 90-те години на XIX век. како автор на оваа играчка се смета уметникот С. В. Маљутин, кој како основа за овој сувенир ја зел јапонската играчка Дарума, која го претставувала мудрецот Фукурама, а која од островот Хоншу ја донела жената на мецената С. И. Мамонтов... ►

Амбасадата на Руската Федерација во Република Македонија приреди прием по повод националниот празник – Денот на бранителите на татковината. На приемот присуствуваа претставници на дипломатските мисии, на Министерството за надворешни работи на Република Македонија, општествени работници и др. По интонирањето на химните на Руската Федерација и Република Македонија, пред присутните се обратија амбасадорот на Руската Федерација во Република Македонија Н.Е. Сергеј Александрович Баздникин и военото и воено-воздухопловното аташе во Амбасадата, полковник Сергеј Стрижко.

Во Битола, пред споменикот Руски крст, традиционално беше одбележан Денот на руската дипломатија. Пред присутните се обрати амбасадорот на Руската Федерација во Република Македонија, Н.Е. Сергеј Александрович Баздникин, кој меѓу другото истакна: „... Имаме намера да промовираме позитивна обединувачка агенда. Отворени сме за конструктивна соработка со сите земји кои се подготвени да соработуваат чесно, за изнаоѓање прифатливи компромиси од заемна полза. Се разбира, подготвени сме за унапредување на пријателските односи со Република Македонија во различни области, до толку интензивно до колку за тоа се подготвени нашите партнери. Братските народи на нашите две земји се поврзани со блиски духовни и културни врски со повеќевековна историја. Ова е солидна основа за натамошно подобрување на односите за доброто на нашите народи...“... ►

На 26 декември во детската градинка „Јасна Ристеска“ во Охрид се одржа предновогодишна прослава за децата на руските сонародници. Тие играа игри со Дедо Мраз и Снежана, пееја песни и танцуваа. Децата добија и новогодишни пакетчиња кои ги обезбеди Почесниот конзул на Руската Федерација во Охрид проф. д-р Велимир Стојковски, а во организирањето на настанот помогна и претседателот на друштвото за руско-македонско пријателство Томе Трајаноски.

На Меѓународниот славјански универзитет „Гаврило Романович Державин” во Свети Николе, свечено беше откриена бистата на истакнатиот руски поет Г.Р.Державин, чие име го носи Универзитетот. Пред присутните се обрати основачот на Универзитетот и претседател на Управниот одбор, проф. д-р Јордан Ѓорчев. Во името на Амбасадорот на Руската Федерација, Н.Е. Сергеј Александрович Баздникин, бистата ја откри вториот секретар во Амбасадата, Виктор Дјаков, а цвеќе положи почесниот конзул на Руската Федерација во Охрид, проф. д-р Велимир Стојковски... ►

Од 25 до 30 ноември 2019 во Рускиот центар при УКИМ во Скопје се одржа Недела на руската култура во Скопје. Гостите од Руската Федерација одржаа шест работилници: Современа руска литература, Руска класика во литературните музеи на Русија, Музички фолклор, Традиционални руски занаети – „Гжељ“, Училиште за надарени деца и Историска архитектура. Во работилниците учествуваа голем број на студенти, ученици, граѓани, професори од Универзитетот, а беа присутни и амбасадорот на Русија во Македонија, Н.Е. С.А. Баздникин, почесниот конзул на Русија во Охрид, проф. д-р В. Стојковски и претставникот на Россотрудничество, А. Румјанцев.

По положувањето свежо цвеќе пред споменикот во село Сливово за борбениот пат на бригадата и нејзиното значење за конечното ослободување на земјата зборуваше професорот по историја Наце Иваноски, а потоа присутните го посетија спомен домот во селото. Настаните по тој повод продолжија во село Белчишта каде деше положено цвеќе на споменикот на паднатите борци од НОБ и жртви на фашизмот и на бистата на Трајче Дојчиноски. На овие настани присуствуваше и административниот соработник на Почесниот конзулат на Руската Федерација во Охрид и координатор на движењето „Волонтери на победата“ д-р Елена Обухова, а исто така и учесници на движењето. Присутните ја посетија изложбата на дела од ликовната колонија која се одржува во село Белчишта, а потоа во ОУ „Дебрца“ кое овој ден го слави како патронен празник се одржа пригодна програма.

Во пресрет на големиот празник Денот на народното единство, во градот Јарослављ започна XIII Асамблеја на Фондот “Руски мир”. Во присуство на високи претставници на власта, јавни личности и 600 делегати од 72 земји во светот, асамблејата ја отвори Вјачеслав Алексеевич Никонов, претседател на Управниот одбор на Фондот “Руски мир” и претседател на Комитетот за образование и наука во VII состав на Државната Дума. Присутните, меѓу другите ги поздрави и Валентина Владимировна Терешкова, првата жена космонаут, родена во Јарослављ. 
Рускиот центар при Универзитетот “Св. Кирили Методиј” во Скопје беше претставуван од проф. д-р Велимир Стојковски и д-р Емил Ниами. Во текот на Асамблејата тие имаа работна средба со раководството на Фондот “Руски мир”.

Во Скопје започна четвртиот Меѓународен филмски фестивал за културни, духовни и хумани вредности “Богородичен покров”, кој е посветен на празникот на Пресвета Богородица, со прикажувањето на рускиот филм “Варава” снимен врз основа на познатата библиска приказна за распнувањето на Исус Христос. Покрај споменатиот филм, на фестивалот ќе бидат прикажани уште два руски филма: „Потрага по верата или исповед на актерот“ и „Од дното на врвот“. Во рамките на фестивалот ќе бидат прикажани десетина филмови од Русија, Босна и Херцеговина, Унгарија, Србија, Грција, Романија и Чешка.
На свеченото отворање се обрати амбасадорот на Руската Федерација, Н.Е. Сергеј Александрович Баздникин. Меѓу присутните на настанот беше и почеснот конзул на Руската Федерација во Охрид, проф. д-р Велимир Стојковски.
Организатор на фестивалот е Топ Ворлд – независна ТВ продукција од Скопје.

Во Основното училиште "Христо Узунов" во Охрид беа доделени сертификатите на курсистите од втората генерација на бесплатните курсеви по руски јазик во Охрид, кои ги организира Рускиот центар при Универзитетот "Св. Кирил и Методиј" во Скопје.
На доделувањето на сертификатите на присутните им се обратија Амбасадорот на Руската Федерација во Република Северна Македонија, Н.Е. Сергеј Александрович Баздникин, заменикот градоначалник на Општина Охрид, Ристо Николески и директорот на Рускиот центар при УКИМ, проф. д-р Велимир Стојковски. На доделувањето присуствуваше и проректорот за настава на Универзитетот "Св. Кирил и Методиј", проф. д-р Вујица Живковиќ.
Заедно со курсистите од оваа година, бројот на посетители на курсевите по руски јазик во Охрид е 140 посетители од сите возрасти... ►

Од 14 до 16 август во Охрид на плоштадот кај Чинарот се одржа веќе традиционалната манифестација за промоција на рачните изработки и занаетчиството насловена како „Охрид крафт“. Организатор на манифестацијата беше Општина Охрид. Учесниците претставија производи изработени во различни техники од различни материјали како дрво, свила, волна, епоксидна смола, кожа, хартија и многу други. Оваа година како и минатата на манифестацијата учествуваше друштвото на рускојазични ракотворки „Артељ“ со производи од валана волна, дрво и епоксидна смола.

Во Вевчани оваа година по јубилеен 10-ти пат се одржа уметничката ликовна колонија „Вевчански видувања“. Веќе 10 години во Вевчани доаѓаат уметници од разни земји, за да ја овековечат убавината на Вевчани и вевчанските извори, а исто така и за да добијат инспирација од прекрасната природа во ова живописно место за сликање на фантастични и реалистични слики на други теми.
Годинава на меѓународната колонија која траеше 3 недели, од 22.06. до 12.07. 2019 г. освен уметници од Македонија учествуваа уметници од Србија, Русија, Хрватска, Бугарија, Франција, Грција и Полска. Вкупно на колонијата учествуваа 35 уметници.
Русија годинава ја претставуваше Фјодор Сухинин, член на Московското друштво на ликовни уметници, професор на катедрата по сликарство и цртеж на РДУ „А.Н.Косигин“ (Технологии. Дизајн. Уметност). Дел од неговите слики ќе се чуваат во Вевчани како сеќавање за прекрасните моменти поминати во ова живописно место.

Во амфитеатарот на Економскиот факултет при Универзитетот „Св. Кирил и Методиј“ во Скопје, беа доделени сертификатите за завршен курс по руски јазик кој го организираше Рускиот центар при Универзитетот во учебната 2018/2019 година. Дипломите им ги доделија амбасадорот на Руската Федерација во Република Северна Македонија, Н.Е. Сергеј Александрович Баздникин и директорот на Рускиот центар, проф. д-р Велимир Стојковски. На настанот присуствуваше и проректорот за настава на Универзитетот, проф. д-р Вујица Живковиќ.

Заедно со завршените курсисти во оваа учебна година, бројот на посетители на крусевите по руски јазик за две години достина повеќе од 2000 лица од сите возрасти.

Пред споменикот на Александар Сергеевич Пушкин во истоимениот парк во општина Кисела Вода, цвеќе положија амбасадорот на Руската Федерација во Република Северна Македонија, Н.Е. Сергеј Александрович Баздникин, градоначалникот на општина Кисела Вода, Филип Темелковски и почесниот конзул на Руската Федерација во Охрид, проф. д-р Велимир Стојковски. Пред присутните се обратија амбасадорот С.А.Баздникин и градоначалникот Ф. Темелковски. Свеченоста беше збогатена со концерт на групите „Славјанка” и „Чајка”, како и со прикажување на цртаниот филм за деца „Приказна за цар Салтан“.

Светскиот ден на рускиот јазик се одбележува на 6 јуни. Овој датум е поврзан со денот, кога е роден Александар Сергеевич Пушкин, еден од најголемите руски поети, основоположник на рускиот литературен јазик и основач на модерната руска литература... ►

Во Скопје и Охрид започнаа завршните испити на бесплатните курсеви по руски јазик кои ги организира Рускиот центар при Универзитетот „Св. Кирил и Методиј” во Скопје.
Испитите ги полагаат 230 курсисти во Скопје и 40 курсисти во Охрид.
Заедно со овие кандидати, вкупната бројка на ученици, студенти и граѓани кои ги посетуваа курсевите по руски јазик во изминативе три години, од отворањето на Центарот до денес, е повеќе од 1.900 слушатели.

Во рамките на одбележувањето на 9 мај – Денот на победата над фашизмот, Амбасадата на Руската Федерација во Република Северна Македонија, денес на платото пред СЦ „Јане Сандански“ во Скопје, постави „Ѕид на сеќавањето“ како дел од манифестацијата „Бесмртниот полк“. Во борбите против фашизмот народите на Југославија изгубиле 1.700.000 луѓе од кои само Македонија дала 33.000 жртви. Наш долг е да го чуваме споменот за хероите кои своите животи ги дале за слободата. На манифестацијата присуствуваа амбасадорот на Руската Федерација во Република Северна Македонија, Н.Е. Сергеј Александрович Баздникин, амбасадорот на Република Србија во Република Северна Македонија, Н.Е. Душанка Дивљак-Томиќ, почесниот конзул на Руската Федерација во Охрид, проф. д-р Велимир Стојковски, градоначалникот на општина Центар, Саша Богдановиќ, руски сонародници, гости од рускиот град Електростал, кој е збратимен со градот Струмица и граѓани.

На Филолошкиот факултет „Блаже Конески“ при Универзитетот „Св. Кирил и Методиј“ во Скопје се одржа јубилејниот 50. Државен натпревар по руски јазик. Овој пат, во чест на јубилејот, покрај учениците од основните и средните училишта, во одделни категории се натпреваруваа и слушателите на курсевите по руски јазик кои во организација на Рускиот Центар при Универзитетот се одржуваат во Скопје и Охрид, како и студентите од Катедрата за славистика. На отворањето на натпреварот на присутните им се обратија проф. д-р Билјана Мирчевска-Бошева, претседателот на Асоцијацијата на професори по руски јазик проф. д-р Максим Каранфиловски и Амбасадорот на Руската Федерација Н.Е. Сергеј Александрович Баздникин. На победниците во сите категории им беа врачени дипломи и пригодни награди кои ги обезбеди Амбасадата на Руската Федерација.

Во игротеката „Хепи Ленд“ во Охрид, се одржа маскенбал организиран од раководителот Александра Панова и Почесниот конзулат на Руската Федерација во Охрид, посветен на денот на шегата и смеата 1 април. Во рамките на настанот децата, меѓу кои беа и децата на руските сонародници, кои присуствуваа на маскенбалот самостојно направија карневалски маски, дознаа нешто ново за тоа за што се користеле маските во Русија и играа руски народни игри.
Главен настан на денот беше доделувањето на награда – роденден во игротеката и во врска со тоа се одржа избор на најдобра маска. Родителите и децата навистина креативно му пристапија на ова прашање. Меѓу учесниците имаше самовили, принцези, пеперутки, Петар Пан, пирати, кученце од „Патролни шепи“, Супермен и други омилени детски ликови.

Во НУ „Библиотека Григор Прличев“ во Охрид во соработка со Почесниот конзулат на Руската Федерациjа се одржа предавање, посветено на големиот руски и светски научник Дмитриј Иванович Менделеев, кој во 1869 год. го открил периодниот систем на хемиските елементи. Предавањето го одржа проф. д-р Велимир Стојковски, почесен конзул и професор по биохемија. Учениците од охридските училишта имаа можност да слушнат за животот на Менделеев и да се запознаат со значењето на периодниот систем на елементите и законитостите во него (атомска маса, атомски број, енергија на јонизација, електронегативност). Сите ученици, од почесниот конзул добија подарок - Периоден систем на хемиските елементи.
Во чест на 150-годишнината од откривањето на Периодниот систем од страна на Менделеев, УНЕСКО ја прогласи 2019 година, за Меѓународна година на периодниот систем.

Во ОУ „Христо Узунов“ во Охрид се одржа одбележување на Масленица за слушателите на курсот по руски јазик. Слушателите на курсот дознаа како се одбележува овој празник во Русија, научија што правеле во Русија во разните денови во текот на Масленичната недела и зедоа учество во натпреварот со прашања поврзани со Масленица. Потоа слушателите на курсот по групи изработија кукла Масленица, а на крајот беа почестени со традиционалните палачинки и со чај.

Во Охрид во црквата Св. Софија настапи Злата Чочиева, пијанистка од Русија.
Злата Чочиева е родена во Москва. Моментално живее во Салцбург. Пијанистката е добитник на многу меѓународни награди, меѓу кои – Златен медал на Меѓународниот натпревар за пијано во Копенхаген (Данска, 1999 год), награда „Tivoli piano competition“ (Копенхаген, 2006 год), „Mozart prize“ на натпреварот „ARD“ (Минхен, 2006 год), 1 место на Меѓународниот натпревар по современа камерна музика во Краков, во состав на „Месиан-квартетот“ (Польша, 2008 год) и многу други награди.
Концертот беше организиран од фестивалот „Охридско лето“. На концертот присуствуваше аташето за култура Михаил Евгењевич Крапива и други претставници на амбасадата на Руската Федерација и на Почесниот конзулат на Руската Федерација во Охрид.
Публиката со задоволство ги слушаше делата на Шопен, Скрјабин, Рахмањинов и Лист во изведба на Злата Чочиева.

Во НУ „Библиотека Григор Прличев“ во Охрид се одржа настан организиран од Почесниот конзулат на Руската Федерација во Охрид и библиотеката „Григор Прличев“ посветен на сеќавањето на А.С. Пушкин чија годишнина од трагичната смрт се одбележува во февруари.
Темата беше избрана за учениците од трето одделение, во чија наставна програма се обработува „Сказна за рибарот и рипката“, напишана од големиот поет во 1833 година. Предавањето се одржа со присуство на две одделенија од основното училиште „Христо Узунов“.Со воведен збор на учениците им се обрати соработникот на библиотеката Милчо Јованоски кој раскажа за делата на Пушкин кои се чуваат во библиотеката, а исто така и за јубилеите на охридските писатели во февруари, а потоа предавањето за едно од најпознатите дела на Пушкин за деца го одржа соработникот на Почесниот конзулат д-р Елена Обухова. Во рамките на предавањето децата погледаа цртан филм... ►

Во преполната сала на Кинотеката на Македонија, со проекцијата на филмот „Ана Каренина: Приказната на Вронски” во режија на Карен Шахназаров свечено започнаа Деновите на рускиот филм. Деновите се посветени на 25 годишнината од воспоставувањето на дипломатските односи меѓу Република Македонија и Руската Федерација и до крајот на февруари симболично ќе бидат прикажани 25 филмови.
Пред присутните се обратија директорот на Кинотеката на Македонија, Владимир Ангелов и амбасадорот на Руската Федерација во Република Македонија, Н.Е. Сергеј Александрович Баздникин. Во рамките на отворањето на режисерот и директорот на „Мосфилм” Карен Шахназаров од страна на ректорот на Универзитетот ЕФТА, Јордан Плевнеш, му беше врачена титулата почесен доктор (doctor honoris causa) на Универзитетот.