Охрид, мај 2019

На 24 мај во рамките на чествувањето на празникот посветен на Св. Кирил и Методиј,  во во Охрид во 19:00 ч. беше положено цвеќе на споменикот на Светите Кирил и Методиј, а во 19:30 ч.во црквата Св. Софија се одржа концерт на млади пијанисти, во организација на Андреја Митески, со поддшка на Дебарско-Кичевската епархија на Македонската Православна црква, фестивалот „Охридско лето“, Општина Охрид, фирмата „Медика“ и проф. д-р Ана Гацева. 
На настанот беше положено цвеќе од името на Амбасадата на Руската Федерација во Република Северна Македонија и Почесниот конзулат на Руската Федерација во Охрид.
Пред присутните на концертот се обрати проф. д-р Красимира Илиевска, а на концертот настапија младите пијанисти Девид Малик, Николај Петкоски и Владимир Србиноски, од класата на проф. м-р Даниел Чурковски и Ана Гаштаровска, Викторија Митеска, Александар Ташев, Њомза Џафери, Анастасија Кочева и Фросина Трајковска од класата на проф. д-р Ана Гацева.
На концертот беа изведени дела на Прокофјев, Шуман, Чајковски, Брамс, Скрјабин, Коларовски, Бетовен, Лист и други композитори.